Laust eftir miðjan mars 2015, “hrundi” þessi síða, og var ekki finnanleg í netheimum. Þetta stóð nú ekki lengi, en komst þó ekki í lag fyrr en ritstjóri hafði byggt síðuna upp aftur svona eftir minni. Allar síður voru til – en það vantaði að raða þeim upp á réttan hátt.
Ritstjóri raðaði helstu síðum upp – og heimasíðan var finnanleg……. EN……
…… ritstjóri vissi upp á sig sökina. Það vantaði eitthvað, en það var bara ekki á hreinu hvað vantaði – og trúið mér þegar ég segi að síðan er orðin það stór að maður hefur þetta ekki lengur allt í kollinum. En gott og vel……ritstjóri hugsaði með sér…: Það taka fáir eftir þessu og ég klára þetta seinna. Já – það er þetta með frestunaráráttu……… hún á það til að koma í bakið á manni.
Nú þegar sumarbústaðir í Fljóti eru loks að komast “í byggð” þetta sumarið, ætlaði ritstjóri að kíkja á Gæðahandbók Atlatungu sem átti að vera þarna lokuð og læst gagnvart öðrum en þeim sem tilheyra þeim bústað…. og viti menn: Þessar síður voru bara ekki þarna! En nú eru þær komnar inn.
Ritstjóri fór því betur yfir allar þessar síður sem hafa verið skrifaðar – og tók þá loks eftir því – að það var bara ansi margt sem vantaði. Til og með vantaði heilann yfirflokk… – “Fólk” – sem nú er kominn inn aftur – og svo vantaði helling af alls konar sögum…… allt í allt eru með téðri Gæðahandbók, komnar um 50 síður til viðbótar inn á netið. Ég hlýt að spyrja sjálfan mig….. til hvers er þá barist ef enginn hefur fundið að því að þetta vantaði?
Ásgeir
Ætli það séu ekki flestir bara svo uppteknir af sjálfum sér og daglegu lífi að þeir hafa ekki tíma til að kíkja eftir þessu. Annars flýgur líka tíminn svo óendanlega hratt nú orðið að það eru alltaf komin jól aftur rétt þegar páskar eru búnir.