Þeir sem hafa verið ungir krakkar….. eeeh!… það á víst við um okkur öll, kannast við spenninginn sem byggist upp dagana og alveg sérstaklega síðustu kluttustundirnar áður en að því kemur að opna jólapakka að kvöldi 
Aðfangadags.
Mér líður þannig núna!
Þannig er, að Ásmundur Guðnason flaug á TF-DVD – við þriðja mann – yfir Fljótavík og fleiri svæði í Sléttuhreppi, 27.febrúar 2016. Ási er búinn að birta rúman þriðjung af myndunum á Facebooksíðu sinni.
Eins og tæknin er orðin í dag – er lítið mál að senda mikið magn af myndum/gögnum t.d. með því að nota Dropbox. Á þetta skal bent svona ef þið sitjið inni með mikið magn af myndum sem þið mynduð vilja deila hér á þessum vef. Slík aðferð gefur kost á að senda myndir í fullri upplausn – þannig að allir “pixlar” komi fram.
Þeir sem hafa góða, stóra skjái, eiga að geta séð tófuspor við Lækjabrekku og Bárubæ í Fljóti. Þá hefur verið mikið traðk í kring um hús í Aðalvík – og því miður má sjá að gluggi – sennilega opnanlegt fag – hefur fokið úr í einu húsi í Aðalvík. Engar skemmdir virðast hafa orðið í Fljóti þennan veturinn – fram að þessu – en Fljót fékk svo sanarlega sinn skerf í fyrra!
Verið nú dugleg að skrifa við myndirnar – þið getið notað Facebook innskráningu ykkar. Athugið að í einhverjum tilfellum þarf ég að fara yfir og samþykkja texta áður en hann birtist – þetta er eitthvert öryggisatriði sem ég hef ekki enn lært að gera óvirkt.
En – þá er komið að þessu…. opnið nú pakkana……..
