Útivistarparadís
Jamm.
Á morgun, segir sá lati. Einu sinni á ári, greiði ég smávægilega upphæð fyrir að halda úti myndasíðu til hliðar við myndirnar sem eru á þessari síðu. Þessi síða hefur verið þarna frá árinu 2003, eða þar um bil.
Þegar undanfari þessarar heimasíðu sem þú ert nú að kíkja á, fór í loftið, var ekki hægt að sýna myndasöfn þar. Bara eina og eina mynd.
Þess vegna var Continue reading “Ættli? Ætli ? ….. Atli !”
Um síðustu helgi, lögðu tveir fljótvíkingar upp í ferjuflug, þegar þeir ferjuðu nýja flugvél frá Rotterdam í Hollandi og til Reykjavíkur. Þetta voru Eddi í Tungu og Ási á Lækjabrekku.
Skemmst er frá að segja að flugið, sem dreifðist á þrjá daga, tókst óhappalaust og farsællega.
Um er að ræða fjögurra sæta flugvél. Tegundin er Glasair Sportsman, og ber hún einkennisstafina PH-JAJ.
Um leið og ritstjóri gerist svo djarfur að telja þessa vél með í “Flugvélaflota Fljótavíkur”, óskar hann þeim sem eiga vélina til hamingju og með fylgir ósk um farsæld alla tíð.
Ásgeir
Eins og ég hef áður bent á, er eðli stjórnmálamanna að taka stefnumarkandi ákvarðanir og halda fast við þær alveg fram í rauðan dauðan, uns fokið er í flest eða öll skjól.
Þá taka þeir nýja ákvörðun – stefnumarkandi – og halda fast við hana fram í rauðan dauðan, …. og taka þá nýja ákvörðun…… o.s.frv.
Ég er svolítið þannig núna. Ég hef reynt að halda mig við að birta eitthvað annan hvern föstudag, en er nú með flest “niðri um mig” hvað það varðar.
Ég birti því, með góðri samvisku, myndir sem Eddi Finns sendi síðunni. Þær eru teknar í maí 2016 og sýna að mestu framkvæmdir við að koma Bæjaránni aftur í sinn rétta farveg.
Eins og “allir vita”, þá eru myndasíðurnar undir flipanum “Myndir” á forsíðu heimasíðunnar, og best væri að allir myndu nú venja sig á að fara þá leið til að skoða myndirnar, en annars má “klikka” á þessa línu…….
Gleðilega páska
Nei – þetta eru hvorki páskaliljur né páskagulir túlipanar – en þetta er mynd frá Fljótavík, og það er ofar hinum blómunum í minni goggunarröð … 🙂
Vorið 2017 er tilhlýðilegt að benda öllum á mikilvægi þess að Continue reading “Gestabækur – vandið valið og notið þær”
Eins og margir vita, er samvinna milli heimasíðunnar www.fljotavik.is og síðu á Facebook, Fljotavik á FB. Þegar ég finn eitthvað spennandi í umræðu t.d. tengt Hornströndum, vísa ég oft í slíkt á Facebooksíðunni. Þessar fréttir fara ekki inn á heimasíðuna.
Öfugt, þegar heimasíðan sendir eitthvað frá sér á bloggformi, sendir hún sjálfkrafa tilkynningu sem kemur fram á Facebooksíðunni hjá þeim sem hafa sett “Like” á Facebooksíðuna.
Ég setti hlekk frá heimasíðunni á Faceboosíðu Átthagafélags Sléttuhrepps, þar sem vísa var í myndasíðu Ásmundar Guðnasonar frá flugi yfir Sléttuhrepp en þó aðallega Fljót. Eftir það hringdi einn sem sárnaði að fá ekki skilaboð á Facebooksíðu sína þegar ég birti eitthvað á heimasíðunni. Viðkomandi vissi um aðra sem voru að fá skilaboð.
Við fórum saman yfir þetta og komumst að því að viðkomandi hafði sett “Like” á “Facebooksíðu Átthagafélags Sléttuhrepps” .
Viðkomandi var ekki með Like, á Fljotavik.is á FB en kom því í lag hjá sér og fær nú skilaboð frá síðunni, en telur eins ástatt hjá mörgum öðrum.
Sem sagt – eins og stendur á forsíðu Fljotavik á FB….: hakið við Like eða upp á íslensku “Kann að meta“, eins og sést á myndinni sem fylgir, ef þið viljið frá skilaboð þegar nýtt efni er birt á www.fljotavik.is eða eitthvað er birt á Fljotavik.is á FB.
Ef ykkur grunar að eins sé ástatt hjá einhverjum sem þið þekkið – bendið á viðkomandi á það.
Ásgeir
